ชายเอ๊ย ข้าวฮวงทองก่องก้ม สามลมเหนี่ยวหล่ะเทียวไหว
ดั่งสายใยส่งถึง ตรึงสัญญาให้พาน้อม
ฉาบแสงทองละอองอ้าง ทางน้ำใสจับใบก่อ
ถืกสายลมโหมล่อ ต่อแสงจ้า..แหม่นว่างาม
ดั่งสายใยส่งถึง ตรึงสัญญาให้พาน้อม
ฉาบแสงทองละอองอ้าง ทางน้ำใสจับใบก่อ
ถืกสายลมโหมล่อ ต่อแสงจ้า..แหม่นว่างาม
โอน้อ ฝากลมวอยคอยพัดอ้าง ไปทางถิ่นเมืองหลวง
สัญญาทวงห่วงหา ผญาคำนำจาต้าน
ลืมอีสานบ้านนอก ลืมฮอดนาแล้วหว๋าพี่
ลืมสาวนาผู้นี่ หรืออ้ายมีใหม่ซ้อน บ่เห็นย้อนหล่ะต่าวเมือ
สัญญาทวงห่วงหา ผญาคำนำจาต้าน
ลืมอีสานบ้านนอก ลืมฮอดนาแล้วหว๋าพี่
ลืมสาวนาผู้นี่ หรืออ้ายมีใหม่ซ้อน บ่เห็นย้อนหล่ะต่าวเมือ
ชายเอ๊ย ฮักยังเหลือหล่ะเฟือล้น บนความห่างสายทางเหงา
ยังเห็นเงาคือเก่าหลัง ฝังอยู่ในหัวใจมั่น
แหม่นคืนวันสิผันย้าย ยังหมายคอยอ้ายต่าว
สิผ่านหนาวยาวเถิงฮ้อน บ่คลอนฮ้างทางฮักชาย แท้แหล๊ว
ยังเห็นเงาคือเก่าหลัง ฝังอยู่ในหัวใจมั่น
แหม่นคืนวันสิผันย้าย ยังหมายคอยอ้ายต่าว
สิผ่านหนาวยาวเถิงฮ้อน บ่คลอนฮ้างทางฮักชาย แท้แหล๊ว
ภาพบทผญา อีเกียแดง แห่งรัตติกาล
๖ กันยายน ๒๕๕๙
๖ กันยายน ๒๕๕๙
โอน้อ เกิดมาดำซ้ำฮ้าย ความจนก่ายจนมายหมอง
วิถีคองมองบ่เห็น เป็นดั่งกรรมที่นำน้าว
เขย่งซาวหน่าวยื้อ กะบ่คือทางเขาเพิน
ดั่งเงากรรมคอยนำเอิ้น ให้เดินเลี่ยงเบี่ยงวน
วิถีคองมองบ่เห็น เป็นดั่งกรรมที่นำน้าว
เขย่งซาวหน่าวยื้อ กะบ่คือทางเขาเพิน
ดั่งเงากรรมคอยนำเอิ้น ให้เดินเลี่ยงเบี่ยงวน
แหม่นเฮ็ดดีหนีบ่ม้ม มันจมดิ่ง..ปานลิงกัง แท้น้อ
ดึงไม้หันอ่วยลง กะติดกงดังคงเว้า
หย่างทางเหงาเซาทางฮ้าง บ่มีทางสิบืนต่อ
สายทางเทียวเหลียวบ่พ้อ ดั่งกรรมล่อ..ก่อนำ
ดึงไม้หันอ่วยลง กะติดกงดังคงเว้า
หย่างทางเหงาเซาทางฮ้าง บ่มีทางสิบืนต่อ
สายทางเทียวเหลียวบ่พ้อ ดั่งกรรมล่อ..ก่อนำ
โอยน้อ คือความจนวนตอกย้ำ หาเซ้าค่ำทุกข์นำเหลือ
อยากคือเมืออีสาน แต่ลูกหลานยังคอยจ้อ
คอยหยังน้อ?อ๋อ..คอยเงินเจ้า กะหวังเอากินจ่าย นั่นแหล๊ว
คันบ่ตายคงขายค้า หาเงินแลก..เหงื่อแฮง..ต่อไปแหล๊วครับ
..........................................................................
ต้นทุนชีวิตแต่ละคนบ่คือกัน บทบาทหน้าที่กะย่อมมีต่างกัน เป็นกำลังแฮงใจกับพี่น้องไทยอีสานผู้ทำงานไกลถิ่น ผญายินยกอ้าง..แปงส่างทางที่ควรเด้อครับ ขอบพระคุณภาพพี่ปิ่นลมไปนำครับ
อยากคือเมืออีสาน แต่ลูกหลานยังคอยจ้อ
คอยหยังน้อ?อ๋อ..คอยเงินเจ้า กะหวังเอากินจ่าย นั่นแหล๊ว
คันบ่ตายคงขายค้า หาเงินแลก..เหงื่อแฮง..ต่อไปแหล๊วครับ
..........................................................................
ต้นทุนชีวิตแต่ละคนบ่คือกัน บทบาทหน้าที่กะย่อมมีต่างกัน เป็นกำลังแฮงใจกับพี่น้องไทยอีสานผู้ทำงานไกลถิ่น ผญายินยกอ้าง..แปงส่างทางที่ควรเด้อครับ ขอบพระคุณภาพพี่ปิ่นลมไปนำครับ
๓ กันยายน ๒๕๕๙
โอน้อ ฝากคำจาผญาต้าน ฝากเสียงผ่านลมไป
ฝากสายใยห่วงหา สัญญาคำนำถามท้วง
แหม่นอ้ายลวงหรือหลอก บอกน้องคอยจนหงอยเปลี่ยว..แท้น้อ
อ้ายบ่เทียวหล่ะเหลียวโค้ง หลงกรุงก้วงบ่ห่วงนา แท้แหล๊ว
ฝากสายใยห่วงหา สัญญาคำนำถามท้วง
แหม่นอ้ายลวงหรือหลอก บอกน้องคอยจนหงอยเปลี่ยว..แท้น้อ
อ้ายบ่เทียวหล่ะเหลียวโค้ง หลงกรุงก้วงบ่ห่วงนา แท้แหล๊ว
ชายเอ๊ย สองขวบฝนจนแทบบ้า อ้ายลืมป่าหัวนาดอน
อ้ายไกลคอนตอนยามฝน ถิ่มคนคอยให้หงอยเพ้อ
หรืออ้ายเผลอลืมแล้ว ไปหลงแนวโก้ใหม่
สานสายใยไทกรุงก้วง บ่ห่วงแล้วแทวท่งงาม..น้ออ๊าย
อ้ายไกลคอนตอนยามฝน ถิ่มคนคอยให้หงอยเพ้อ
หรืออ้ายเผลอลืมแล้ว ไปหลงแนวโก้ใหม่
สานสายใยไทกรุงก้วง บ่ห่วงแล้วแทวท่งงาม..น้ออ๊าย
ภาพและบทผญา อีเกียแดง แห่งรัตติกาล
๒๖ สิงหาคม ๒๕๕๙
พี่น้องเอ๋ย ฝนบ่มาหล่ะว่าแล้ง ข้าวแห้งเหี่ยวหล่ะเทียวเฉา
เหลียวหาเงาเค้าทางฝน กะจนใจในตอนนี่
ลำโขงชีมีน้ำน้อย มูลกะคอยฝนย้อยหลั่ง
อีสานยังบ่ชื่น ฟ้าครืนฮ้องบ่ฮ่อนยิน
เหลียวหาเงาเค้าทางฝน กะจนใจในตอนนี่
ลำโขงชีมีน้ำน้อย มูลกะคอยฝนย้อยหลั่ง
อีสานยังบ่ชื่น ฟ้าครืนฮ้องบ่ฮ่อนยิน
ทางผืนป่าหล่ะว่าสิ้น ถืกกินรุกบุกฟันถาง แท้แหล๊ว
เหลียวเบิ่งทางถิ่นใด๋ หัวใจหงอยพลอยแต่กลุ้ม โอยเนาะ
ป่าบ่ซุมกลุ่มฝนก้อน กะตัดรอน..จรห่าง
สู่ป่าเขียวที่เทียวอ้าง ทางลาวพุ้นจั่งซุ่มงาม ว่าซั้น
เหลียวเบิ่งทางถิ่นใด๋ หัวใจหงอยพลอยแต่กลุ้ม โอยเนาะ
ป่าบ่ซุมกลุ่มฝนก้อน กะตัดรอน..จรห่าง
สู่ป่าเขียวที่เทียวอ้าง ทางลาวพุ้นจั่งซุ่มงาม ว่าซั้น
โอยน้อ หากตรึกตรองมองเห็นบ้าง อีสานถิ่นคงยิลสม อยู่น้อ
ผืนดินคงความเขียว เหลียวไปไสคงใจชื่น
มาหวนคืนผืนดินเค้า เอาป่าฝนมาวนก่อ เด้อครับ
ให้น้ำพอน้อผ่านแล้ง ลบความหงอยที่คอยแกล้ง
....................แทนฮอยยิ้มที่อิ่มทรวง............ซั้นแหล๊ว
ผืนดินคงความเขียว เหลียวไปไสคงใจชื่น
มาหวนคืนผืนดินเค้า เอาป่าฝนมาวนก่อ เด้อครับ
ให้น้ำพอน้อผ่านแล้ง ลบความหงอยที่คอยแกล้ง
....................แทนฮอยยิ้มที่อิ่มทรวง............ซั้นแหล๊ว
หลูโตนข้าวเนาะ เบิ่งทางได๋ไผกะว่าแต่ฝนบ่ตก ข้าวกะแห้งกะเหี่ยวเหมิดหล่ะ
ภาพอิหล่าสาวภูธร
บทผญา @ อีเกียแดง แห่งรัตติกาล
บทผญา @ อีเกียแดง แห่งรัตติกาล
๒๑ สิงหาคม ๒๕๕๙
ไม่มีความคิดเห็น:
แสดงความคิดเห็น